Welcome to Buxoro viloyati Statistika boshqarmasi   Click to listen highlighted text! Welcome to Buxoro viloyati Statistika boshqarmasi Powered By GSpeech

Buxoro viloyat statistika boshqarmasida “Call centre” tashkil etilgan. Murojaat uchun telefon: 223 79 29

DEHQON BOZORLARIDAGI AYRIM TOVARLARNING O‘RTACHA NARXLARI, 1KG. SO‘MDA (2020-YIL 1- NOYABR HOLATIDA)

1 / 17
Navli bug‘doy uni - 4788
2 / 17
Guruch - 8497
3 / 17
Kartoshka - 3589
4 / 17
Karam - 1796
5 / 17
Pomidor -3615
6 / 17
Bodring - 4179
7 / 17
Sabzi - 2144
8 / 17
No‘shpiyoz - 1747
9 / 17
Olma - 8404
10 / 17
Mol go‘shti - 56163
11 / 17
Qo‘y go‘sht - 52848
12 / 17
Tovuq go‘shti - 17647,3
13 / 17
Turli baliqlar - 22802
14 / 17
Yangi sog`ilgan sut (litr) - 3880
15 / 17
Sariyog‘ - 53734
16 / 17
Tuxum(10 dona) - 10681
17 / 17
Tandir non (dona) - 2806

   Iqtisodiyotda xizmatlar sohasi o‘sishining asosiy omillarini ilmiy bilimlar, nomoddiy shakldagi to‘plamlar, axborot texnologiyalari va tadbirkorlik faoliyati integratsiyasi kabilar tashkil etadi. Iqtisodiyotning ushbu sektori turli xil faoliyat turlarini o‘z ichiga olib, ishlab chiqarish samaradorligini oshirishga yordam beradi. Ushbu faoliyatning yakuniy natijasi tayyor mahsulot emas, balki ko‘rsatilgan xizmatlardir. Xizmatlar nafaqat korxonalarga, balki jismoniy shaxslar - yakuniy iste‘molchilarga ham ko‘rsatilishi mumkin.
   Xizmatlar sohasi bu — korxonalar, tashkilotlar, shuningdek, jismoniy shaxslar tomonidan ko‘rsatiladigan turli xil xizmatlar, ishlab chiqarishni o‘z ichiga olgan umumlashtirilgan toifadir. Ushbu sohani ko‘pincha rivojlangan zamonaviy infratuzilma tufayli sanoatdan keyingi iqtisodiy tuzilma tarzida ko‘riladi.
   Dastlabki ma’lumotlarga ko‘ra, 2020- yilning yanvarокtabr oylarida ko‘rsatilgan bozor xizmatlari hajmi 7 819,6 mlrd. so‘mga yetdi. Uning nominal hajmi 963,2 mlrd. so‘mga oshdi.
Taqqoslama ekvivalentda o‘tgan yilning shu davriga nisbatan o‘sish sur’ati 103,1 % ni tashkil etdi.
   Iqtisodiy faoliyat turlari bo‘yicha ko‘rsatilgan bozor xizmatlari tarkibida eng katta ulushni savdo xizmatlari egallaydi. Shunday qilib, 2020- yilning yanvar-оktabr oylarida ularning ulushi 32,0 % ni tashkil etdi. Shu bilan birga, yuqori ko‘rsatkichlar transport xizmatlari (23,0 %), moliyaviy xizmatlar (17,1 %), ta’lim sohasidagi xizmatlar bo‘yicha (5,2 %) qayd etildi.
Me‘morchilik sohasidagi xizmatlar ko‘rsatish hajmlarining uncha katta bo‘lmagan o‘sishi kuzatildi, ularning ulushi atigi 1,0 % ni tashkil etdi.
   Shuningdek, nisbatan yuqori bo‘lmagan ulush sog‘liqni saqlash bo‘yicha xizmatlar - 1,6 %, shaxsiy xizmatlar - 1,9 %, kompyuterlarni ta‘mirlash xizmatlari hissasi 2,0 % ga to‘g‘ri keldi. Yuqori o‘sish moliyaviy xizmatlar (41,4 %), aloqa va axborotlashtirish xizmatlari (3,8 %), shuningdek transport xizmatlari (1,3 %) da qayd etildi. Xizmatlar sohasiga taalluqli bo‘lgan boshqa barcha faoliyat turlari bo‘yicha o‘tgan yilning shu davriga nisbatan o‘sish sur’atlarining pasayishi kuzatilmoqda.
   Xizmatlar sohasini rivojlantirish ijtimoiy yo‘naltirilgan bozor iqtisodiyotini shakllantirish uchun eng muhim shartlardan biri hisoblanadi. Mamlakatimizda amalga oshirilayotgan bozor islohotlarining ijobiy natijalari xizmatlar sohasini yanada rivojlantirish, jamiyatni rivojlantirishning eng muhim ijtimoiy-iqtisodiy vazifalarini hal etishda uning rolini oshirish bilan uzviy bog'liqdir.

Axborot xizmati

 

Mamlakatning tashqi iqtisodiy faoliyati, xususan tashqi savdo sohasida amalga oshirilayotgan islohotlarning pirovard natijasi aholining turmush darajasiga bevosita o`z ta`sirini o`tkazadi. 2020- yil yanvar-oktabr oylari yakuni bilan viloyatning tashqi savdo aylanmasi (matnda TSA) 657,6 mln. AQSh dollarini tashkil etib, 2019- yilning mos davriga nisbatan 349,2 mln. AQSh dollariga yoki 34,7 % ga kamaydi.
TSA da eksport hajmi 184,8 mln. AQSh dollariga (17,1 % ga kamaydi) va import hajmi 472,8 mln. AQSh dollariga (39,7 % ga kamaydi) yetdi. Hisobot davrida -288,0 mln. AQSh dollari qiymatida passiv tashqi savdo balansi qayd etildi.
   Viloyatimizda, jahonning 60 dan ortiq mamlakatlari bilan savdo aloqalarini amalga oshirib kelmoqda. TSA ning nisbatan salmoqli hissasi Rossiya Federatsiyasi (27,7 %), Xitoy Xalq Respublikasi (13,7 %), Turkmaniston (11,8 %), Eron Islom Respublikasi (10,8 %), Turkiya (8,8 %), Qozog`iston (6,7 %), Koreya Respublikasi (3,5 %) Afg`oniston (3,0 %), Qirg`iz Respublikasi (2,9 %) va Germaniya (2,2 %) davlatlarida qayd etilgan.
   Tashqi iqtisodiy faoliyat bo`yicha 20 ta yirik hamkor-davlatlar orasidan oltita davlatda faol tashqi savdo balansi kuzatilgan, xususan, Eron Islom Respublikasi (48,7 mln. AQSh dollari), Afg`oniston (19,8 mln. AQSh dollari), Qirg’iz Respublikasi (18,7 mln. AQSh dollari), Polsha (5,4 mln. AQSh dollari), Тojikiston (5,6 mln. AQSh dollari) va Estoniya (1,2 mln. AQSh dollari) shular jumlasidandir. Qolgan 14 ta davlatlar bilan passiv tashqi savdo balansi saqlanib qolmoqda.
   Viloyatimizda tashqi savdoni qo`llab-quvvatlash hamda MDH davlatlari bilan ushbu sohadagi hamkorlikni yanada mustahkamlash bo`yicha olib borilayotgan chora-tadbirlar natijasida, 2020- yil yanvar-oktabr oylarida, tashqi savdo aylanmasida MDH davlatlarining ulushi 51,9 % ni tashkil etib, tashqi savdo aylanmasidagi 2019- yilning mos davriga nisbatan ulushi 0,8 % ga kamaygan.
   Boshqa xorijiy davlatlarning TSA si 2020- yil yanvar-oktabr oylarida 2019- yilning mos davriga nisbatan oshgan (0,8 % ga) va jami TSA dagi ulushi 48,1 % ni tashkil etdi.
Yetti yirik hamkor davlatlar (Rossiya Federatsiyasi, Xitoy Xalq Respublikasi, Turkmaniston, Turkiya, Qozog`iston, Koreya Respublikasi va Germaniya) jami importning 91,0 % ini tashkil qiladi, bu 430,4 mln. AQSh dollarini tashkil etadi.

Axborot xizmati

Axborot xizmati

Joriy yilning yanvar-oktabr oylarida Buxoro viloyatida jami 4 420,7 mlrd. so‘mlik qurilish ishlari bajarilib, o‘sish sur‘ati 2019- yilning yanvar-oktabr oylariga nisbatan 104,8 % ni tashkil etdi.

Qurilish ishlari hajmi yirik qurilish tashkilotlari (17,9 %), kichik korxona va mikrofirmalar (28,0 %) hamda norasmiy sektorlarda (54,1 %) amalga oshirilgan ishlar tarkibi bo’yicha shakllanadi.

Amalga oshirilgan qurilish ishlari mulkchilik shakli, davlat (4,6 %) va nodavlat (95,4 %) bo`lgan korxona va tashkilotlar tarkibi bo`yicha bo`linadi.

2020- yilning 1- noyabr holatiga ko’ra, qurilish sohasida korxona va tashkilotlar soni 2705 tani tashkil etib, o’tgan yilning mos davriga nisbatan 269 taga oshdi.
Jami qurilish sohasidagi korxona va tashkilotlar soni ko’payishining asosiy omili bu bino va inshootlar qurish ishlarining o’tgan yilga nisbatan 104,3 % ga (jami qurilishdagi ulushi 62,1 %), fuqarolik obyektlarini qurish 116,7 % ga (jami qurilishdagi ulushi 8,6 %), ixtisoslashtirilgan qurilish ishlarining 126,4 % ga (jami qurilishdagi ulushi 29,3 %) o’sishidir.

Joriy yilning yanvar-oktabr oylarida, jami qurilish ishlari hajmi tarkibida yirik qurilish tashkilotlari tomonidan bajarilgan qurilish ishlari hajmi 790,2 mlrd. so’mni tashkil etdi. Qurilish ishlari 2019- yilning yanvar-oktabr oylariga nisbatan 156,7 % ga ko’p bajarilgan bo’lib, jami qurilish ishlari hajmidagi ulushi 2019- yilning mos davridagi ko’rsatkich darajasidan 5,9 % punktga ko’payib, 17,9 % ni tashkil etdi.

Kichik korxona va mikrofirmalar tomonidan bajarilgan qurilish ishlari hajmi 2020- yilning yanvar-oktabr oylarida qurilish ishlarini bajargan boshqa tashkilotlarga nisbatan oshganligi kuzatildi. Ular hissasiga jami qurilish ishlari hajmining 54,1 % i to‘g‘ri kelib, 2019- yilning yanvar-oktabr oylari ko‘rsatkichiga nisbatan 1,3 % punktga kamaydi. Shuningdek, ular hissasiga to‘g‘ri kelgan qurilish ishlari hajmi 2019- yilning mos davriga nisbatan 102,2 % ni tashkil etgan holda 2 392,1 mlrd. so‘m miqdorida qayd etildi.

Norasmiy sektor hissasiga to’g’ri kelgan qurilish ishlari ulushi 28,0 % ni tashkil etdi yoki 1 238,4 mlrd. so’m miqdorida qayd etildi. 2019- yilning yanvar-oktabr oylariga nisbatan 90,3 % ni tashkil etdi.

Davlat mulkchiligidagi tashkilotlar tomonidan jami 204,8 mlrd. so‘m, nodavlat mulkchilikdagi tashkilotlar tomonidan esa 4 215,9 mlrd. so‘m qurilish ishlari bajarilib, ularning viloyatdagi ulushi mos ravishda 4,6 % va 95,4 % ni tashkil etdi.

Axborot xizmati

 

Axborot xizmati

Tugmani bosing Tinglash