Welcome to Buxoro viloyati Statistika boshqarmasi   Click to listen highlighted text! Welcome to Buxoro viloyati Statistika boshqarmasi Powered By GSpeech

DEHQON BOZORLARIDAGI AYRIM TOVARLARNING O‘RTACHA NARXLARI, 1KG. SO‘MDA (2020-YIL 1-SENTABR HOLATIDA)

1 / 17
Navli bug‘doy uni - 4 716
2 / 17
Guruch - 8 181
3 / 17
Kartoshka - 3 596
4 / 17
Karam - 2 089
5 / 17
Pomidor -2 565
6 / 17
Bodring - 2 539
7 / 17
Sabzi - 3 047
8 / 17
No‘shpiyoz - 1 687
9 / 17
Olma - 8 386
10 / 17
Mol go‘shti - 51 869
11 / 17
Qo‘y go‘sht - 48 497
12 / 17
Tovuq go‘shti - 18 276
13 / 17
Turli baliqlar - 22 269
14 / 17
Yangi sog`ilgan sut (litr) - 3 786
15 / 17
Sariyog‘ - 53 399
16 / 17
Tuxum(10 dona) - 8 027
17 / 17
Tandir non (dona) - 2 796

Joriy yil 14- sentabr kuni Davlat statistika qo‘mitasi hamda BMTning Bolalar jamg'armasi (UNICEF) hamkorligida videoseminar tashkil etildi.

Onlayn tarzda o‘tkazilgan mazkur o‘quv-seminarda Davlat statistika qo‘mitasi rahbariyati, xalqaro ekspertlar, Qoraqalpog‘iston Respublikasi, Toshkent viloyati va poytaxtimizdan tanlab olingan supervayzer va intervyuerlar ishtirok etdi.

Ushbu seminar multiindikator klaster kuzatuvlari (MICS)ni o‘tkazish bo‘yicha tayyorlangan savolnomalarni sinov tariqasida tekshirishga bag‘ishlandi.

Ta’kidlash lozimki, 2019- yil 24- iyulda Vazirlar Mahkamasining “2020–2021- yillarda O‘zbekiston Respublikasida multiindikator klaster kuzatuvlarini o‘tkazish to‘g‘risida”gi qarori qabul qilindi. Mazkur qaror asosida hukumatimiz UNICEF va UNFPA tashkilotlari ko‘magida mamlakatimizda onalar va bolalar turmush tarziga oid muhim statistik ma’lumotlarni shakllantirish bo‘yicha kuzatuv o‘tkazish borasida turli chora-tadbirlarni amalga oshirib kelmoqda.

Tadbirda Dаvlаt stаtistikа qo‘mitаsi Rаisining birinchi o‘rinbosаri Xolmurodov Dilshod Ibragimovich MICS bo‘yicha batafsil to‘xtalib o‘tdi.

Belgilangan reja bo‘yicha MICS savolnomalarini tayyorlash, Qoraqalpog‘iston Respublikasi, Toshkent viloyati va poytaxtimizda MICS kuzatuvlarini o‘tkazish haqida fikr-mulohaza almashildi.

Shuningdek, UNICEFning O‘zbekistondagi vakolatxonasi rahbari Munir Mammedzade ham mavzu yuzasidan so‘z yuritdi. U MICS kuzatuvini olib borishda nimalarga e’tibor qaratish lozimligi, bu borada xorijiy tajriba qanday ekani to‘g‘risida gapirdi.

Shu yil 14–26- sentabr kunlari o’tkaziladigan ushbu o‘quv-seminarida supervayzer va intervyuerlar Davlat statistika qo’mitasi, Sog’liqni saqlash vazirligi hamda UNICEFning O‘zbekistondagi vakolatxonasi mutaxassislari tomonidan o‘qitiladi. O‘quv-seminari yakunida Qoraqalpog‘iston Respublikasi, Toshkent viloyati va poytaxtimizdan tanlab olingan mahallalarda amaliy mashg‘ulotlar o‘tkaziladi.

Axborot xizmati

Joriy yilning 8- sentabr kuni Davlat statistika qo‘mitasida O‘zbekiston Respublikasi Prezidentining “O‘zbekiston Respublikasining milliy statistika tizimini yanada takomillashtirish va rivojlantirish chora-tadbirlari to‘g‘risida”gi qarorida belgilangan vazifalar, xususan, 2022- yilda o‘tkaziladigan aholini ro‘yxatga olish ishlari ijrosiga bag‘ishlangan seminar o‘tkazildi.

Unda Davlat statistika qo‘mitasi rahbariyati, Ro‘yxatga olish jarayonlarini tashkil etish va o‘tkazish boshqarmasi mutaxassislari hamda hududiy statistika boshqarmalari xodimlari ishtirok etdi.

Tadbirda O‘zbekiston Respublikаsi Dаvlаt stаtistikа qo‘mitаsi Rаisi Begalov Bahodir Abdusalomovich 2022- yilda o‘tkaziladigan aholini ro‘yxatga olish ishlariga ko‘rilayotgan tayyorgarlik jarayoni bo‘yicha batafsil to‘xtalib o‘tdi.

Aholini ro‘yxatga olishning uslubiy qo‘llanmalari va me’yoriy hujjatlarini tayyorlash, savolnoma loyihalarini ishlab chiqish, ro‘yxatga olishni o‘tkazish uchun zarur tashkiliy rejalarni belgilash, hududlarda aholini ro‘xatga olishga tayyorgarlik ko‘rish kabi dolzarb vazifalar belgilab berildi.

Shuningdek, seminarda statistika maʼlumotlarining shaffofligi, oshkoraligi va qulayligini oshirishni taʼminlash, Davlat statistika qoʻmitasi tomonidan dolzarb, sifatli va ishonchli statistikaning shakllantirilishiga koʻmaklashish kabi ishlar samaradaorligini oshirish bo‘yicha ham fikr-mulohaza almashildi.

Tadbir davomida O‘zbekiston Respublikasining “Aholini ro‘yxatga olish to‘g‘risida”gi qonuni ijrosi bo‘yicha amalga oshirilayotgan muhim masalalar muhokama qilindi.

Jahon banki koʻmagida ishlab chiqilgan “2020–2025- yillarda Oʻzbekiston Respublikasi statistikasini rivojlantirishning milliy strategiyasi” xususida ham batafsil so‘z yuritildi.

 

Shuningdek, O‘zbekiston Respublikаsi Dаvlаt stаtistikа qo‘mitаsi Rаisining ijtimoiy statistika bo‘yicha o‘rinbosari Ziyadullayev Mahmudjon Jo‘raqulovich tomonidan hududiy statistika boshqarmalarida ro‘yxatga olish jarayonlarini tashkil etish va o‘tkazishga mas'ul bo‘lgan yangi bo‘limlar ish faoliyatini takomillashtirish yuzasidan taklif va tavsiyalar berildi.

Seminar davomida aholini ro‘yxatga olishga oid barcha me'yoriy-huquqiy hujjatlarda belgilangan vazifalar ijrosi bo‘yicha amalga oshirilayotgan ishlar muhokama qilinib, kelgusidagi ustuvor vazifalar belgilab olindi.

Axborot xizmati

2020 yil 4- sentyabr kuni O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligida Davlat statistika qo‘mitasi tomonidan O‘zbekiston Respublikasi Prezidentining 2020- yil 3- avgustdagi “O‘zbekiston Respublikasining milliy statistika tizimini yanada takomillashtirish va rivojlantirish chora-tadbirlari to‘g‘risida”gi qarori ijrosini ta'minlash, shuningdek, “2020–2025- yillarda O‘zbekiston Respublikasida statistikani rivojlantirishning milliy strategiyasi” doirasida matbuot anjumani o‘tkazildi.

Unda Davlat statistika qo‘mitasi rahbariyati va markaziy apparat xodimlari hamda ommaviy axborot vositalari vakillari ishtirok etdi.

Matbuot anjumanini O‘zbekiston Respublikasi Davlat statistika qo‘mitasi Raisining birinchi o‘rinbosari Xolmurodov Dilshod Ibragimovich kirish so‘zi bilan ochib berdi.

Milliy statistika tizimini takomillashtirish, davlat statistika organlarining mustaqilligini ta'minlash, statistika ma'lumotlarining xolisligi va ishonchliligini oshirish hamda 2022- yilda o‘tkaziladigan aholini ro‘yxatga olish ishlariga ko‘rilayotgan tayyorgarlik haqida batafsil ma'lumot berildi.

Ta'kidlanganidek, Davlat statistika qo‘mitasi rasmiy statistikani shakllantirish bilan bog‘liq o‘z vakolatlarini barcha davlat organlari va tashkilotlaridan mustaqil ravishda amalga oshiradi. Statistika organlarining qonuniy faoliyatiga, shu jumladan, rasmiy statistika hisobotlari va kuzatuvlarini o‘tkazish hamda ularni nashr qilish va e'lon qilish jarayonlariga har qanday aralashishga yo‘l qo‘yilmaydi.

Shuningdek, matbuot anjumanida Jahon banki ko‘magida ishlab chiqilgan 2020–2025- yillarda O‘zbekiston Respublikasi statistikasini rivojlantirishning milliy strategiyasi bo‘yicha atroflicha ma'lumot berildi.

Ta'kidlash joizki, mazkur strategiya 2019- yilda Jahon bankining texnik ko‘magida ishlab chiqilgan bo‘lib, Jahon banki ekspertlari tomonidan mamlakatda joriy holatni baholash, kelgusida rivojlanish yo‘nalishlari va kamchiliklarini aniqlash uchun SWOT tahlillari o‘tkazildi. Strategiyani ishlab chiqishda milliy va xalqaro ekspertlar, xalqaro tashkilotlar vakillari, jumladan, Xalqaro valyuta fondi vakillari faol ishtirok etdi. Strategiyani amalga oshirish uchun Jahon Banki tomonidan 50 mln. AQSh dollari ajratilgan.

2020–2025- yillarda O‘zbekiston Respublikasi statistikasini rivojlantirishning milliy strategiyasini amalga oshirish bo‘yicha “Yo‘l xaritasi” ishlab chiqilgan bo‘lib, unda tizimni takomillashtirish bo‘yicha 86 yo‘nalishda 150 dan ortiq tadbir amalga oshirilishi ko‘zda tutilgan. Ushbu tadbirlar milliy hisoblar tizimini takomillashtirish, makroiqtisodiy va ijtimoiy statistika, yashirin iqtisodiyotni to‘laqonli hisobga olish, aholini ro‘yxatga olish va boshqa tadbirlarni o‘z ichiga oladi.

Statistikani rivojlantirishning milliy strategiyasini ikkita asosiy maqsadi mavjud. Birinchidan, O‘zbekiston Respublikasi milliy statistika tizimining joriy holatini baholab beradi. Ikkinchidan esa, tegishli rejasi va byudjeti bilan mamlakat milliy statistika tizimini kelgusi besh yillikda rivojlanish strategiyasi bo‘lib xizmat qiladi. 

Anjumanda aytilganidek, ayni paytda O‘zbekiston, Jahon Banki tomonidan e'lon qilinadigan “Statistik salohiyat indeksi”da  64,4 ball bilan 84-o‘rinni egallab turibdi. Yuqorida qayd etilgan tadbirlarni bosqichma-bosqich amalga oshirilishi natijasida, mamlakatimiz 2025 yilga kelib, 94 ball bilan “Statistik salohiyat indeksi”ning top 10 mamlakat qatoriga kirish imkoniga ega bo‘ladi.

Matbuot anjumani so‘nggida mavzu yuzasidan jurnalistlarning qiziqtirgan savollariga Davlat statistikasi qo‘mitasi rahbariyati tomonidan batafsil javob berildi.

Axborot xizmat

Joriy yilning 3- sentabr kuni Davlat statistika qo‘mitasida Axborot xavfsizligi hamda Axborot-kommunikatsiya texnologiyalarini rivojlantirish va interaktiv davlat xizmatlari boshqarmalari tomonidan vebinar o‘tkazildi. Unda hududiy boshqarmalar xodimlari ham onlayn tarzda qatnashdi.

 

 

Tadbirda dastlab, davlatimiz rahbarining “O‘zbekiston Respublikasining milliy statistika tizimini yanada takomillashtirish va rivojlantirish chora-tadbirlari to‘g‘risida”gi qarori mazmun-mohiyati hamda ijrosi haqida so‘z yuritildi.

 

 

Vebinar davomida hududiy statistika boshqarmalarining xodimlari savollarga javob berish jarayonida Axborot xavfsizligi hamda tizimda AKTni rivojlantirish bo‘yicha o‘z takliflarini berishdi.

 

 

Jumladan, hududiy boshqarmalarda axborot xavfsizligi joriy etish, sohaga so‘nggi AKTni tatbiq etish hamda xodimlarning kasbiy salohiyatini oshirish bo‘yicha fikr-mulohazalar bildirildi.

Vebinar so‘nggida, Axborot xavfsizligi hamda AKT sohasidagi yutuq va kamchiliklar muhokama qilinib, ish jarayonidagi unumdorlikni oshirish bo’yicha taklif va tavsiyalar berildi.

Axborot xizmati

   1 sentyabr – Mustaqillik kuni mamlakatimiz istiqlolga erishgan, jahon xaritasida yangi, mustaqil va suveren davlat – O`zbekiston Respublikasi paydo bo`lgan, xalqimizning asriy orzu-intilishlari ro`yobga chiqqan buyuk tarixiy sana bo`lib, el-yurtimiz tomonidan eng ulug`, eng aziz bayram sifatida har yili keng nishonlanib kelinadi.

   Shu munosabat bilan, Davlat statistika qo`mitasi jamoasi barcha vatandoshlarimizni Mustaqilligimizning 29 yilligi bilan samimiy muborakbod etadi.

   Go`zal va betakror mamlakatimizda, har bir oilada xonadonda tinchlik va farovonlik hukm

sursin!

   O`zbekistonimiz doimo gullab-yashnasin!

   Mustaqilligimiz abadiy bo`lsin!

Axborot  xizmati

Tugmani bosing Tinglash